மக்கள் மன்றம் தந்தி டிவியில் ஆர் கே நகர் இடைத்தேர்தல் முடிவுகள் பற்றி

மக்கள் மன்றம் தந்தி டிவியில் ஆர் கே நகர் இடைத்தேர்தல் முடிவுகள் பற்றி

விஷால் மீது டி.ஆர்., சேரன் மாறி மாறி புகார் | RK Nagar election | Vishal | Cheran

விஷால் மீது டி.ஆர்., சேரன் மாறி மாறி புகார் | RK Nagar election | Vishal | Cheran
TR, Cheran complained about actor Vishal

விஷால் மனு நிராகரிப்பு: அரசியல் பார்வையாளர்கள் கருத்து | Vishal nomination rejected | RK Nagar

விஷால் மனு நிராகரிப்பு: அரசியல் பார்வையாளர்கள் கருத்து | Vishal nomination rejected | RK Nagar

ரிவி சீரியல் பார்த்து உடலில் தீ வைத்த சிறுமிக்கு நேர்ந்த கதி...

கர்நாடகாவில் ரிவியில் சீரியலைப் பார்த்து, அதில் வரும் கதாபாத்திரத்தைப் போல தீ நடனம் ஆடிய 7 வயது சிறுமி உடல் கருகி உயிரிழந்த சம்பவம் அதிர்ச்சியை ஏற்படுத்தியுள்ளது.

கர்நாடக மாநிலம் ஹரிஹரா டவுனைச் சேர்ந்தவர் மஞ்சுநாத். கூலித் தொழிலாளியான இவருக்கு மகள் பிரார்த்தனா இவர் வீட்டில் ஒரு குறிப்பிட்ட கன்னட சீரியலை வழக்கமாக கொண்டுள்ளார்.

இந்த சீரியலில் நடிகை ஒருவர் தன் கை, கால்களில் தீ வைத்து, தீப்பந்தம் ஏந்தி நடனமாடும் காட்சிகள் வந்தன. அதைப் பார்த்த பிரார்த்தனாவும் கையில் ஒரு பேப்பரை எடுத்து தீ வைத்துக்கொண்டு நடனமாடினாள். அப்போது பிரார்த்தனாவின் ஆடையில் தீப்பற்றிக் கொண்டது.

வலி தாங்க முடியாமல் சிறுமி அலரத்தொடங்கினால். சத்தம் கேட்ட அக்கம் பக்கத்தினர் சிறுமியின் உடலில் பற்றியிருந்த தீயை அணைத்தனர். உடனடியாக அருகில் இருக்கும் அரசு மருத்துவமனைக்கு சிறுமியைக் கொண்டு சென்றனர்.

கடந்த 15 நாட்களுக்கு மேலாக தீவிர சிகிச்சை அளிக்கப்பட்டு வந்த நிலையில், பிரார்த்தனா சிகிச்சை பலனின்றி நேற்று முன்தினம் இறந்தாள். இதையடுத்து சிறுமியின் தந்தை மஞ்சுநாத் அளித்த புகாரின்பேரில் ஹரிஹரா டவுன் பொலிசார் வழக்குப்பதிவு செய்து விசாரணை நடத்தி வருகின்றனர்.

பிரார்த்தனாவின் தந்தை மஞ்சுநாத் கூறுகையில், நான் என் மகளை கண்காணிக்கத் தவறிவிட்டேன். சில ஆண்டுகளுக்கு முன்னர் இதேபோல் ஒரு சீரியலை பார்த்து நிறைய பேர் கட்டிடத்தின் மேல் இருந்து பறக்க முயற்சித்து கீழே விழுந்து இறந்தனர். இப்போது என் மகள் உடலில் தீ வைத்து நடனமாடி உயிரிழந்திருக்கிறாள். இத்தகைய சம்பவங்கள் இனியும் தொடராத வகையில் அரசு நடவடிக்கை எடுக்க வேண்டும் என்றார்.

முகத்தில் 50 பிளாஸ்டிக் சர்ஜரி செய்த பெண் ... பேய் போல் மாறிய கொடுமை

ஏஞ்சலினா ஜோலியின் அழகில் காதல் வயப்பட்டு 50 பிளாஸ்டிக் சர்ஜரியை செய்த பெண் ஒருவரின் முகம் கொடூரமாக மாறிய புகைப்படம் சமூக வலைத்தளங்களில் பரவி வருகிறது.

ஈரானின் டெரான் பகுதியைச் சேர்ந்த சஹர் தாபர் என்ற பெண் ஹாலிவுட்டில் பிரபலமான நடிகையான ஏஞ்சலினா ஜோலியின் தீவிர ரசிகையாக இருந்துள்ளார். தன் அழகு ஏஞ்சலினாவை போல் காட்சி அளிக்க வேண்டும் என்பதற்காக மேக்கப்பில் அதிகம் கவனம் செலுத்தியுள்ளார்.

தொடர்ந்து ஏஞ்சலினா மீது காதல் அதிகரிக்கவே சஹர் தாபர் முகத்தில் மட்டும் 50 வகையான பிளாஸ்டிக் சர்ஜரிக்கு செலவிட்டுள்ளார். மேலும் உடல் எடையை டயட் இருந்து குறைத்துள்ளார். இதனால் 19 வயதான அப்பெண் தற்போது 40 வயதை தாண்டியவர் போல் காட்சியளிக்கும் புகைப்படம் இன்ஸ்டாகிராமில் பகிர்ந்து அதிர்ச்சியை ஏற்படுத்தி வருகிறார்.

இவருக்கும் ரோஷன் என்பவருக்கும் திருமணம் நடக்கபோகும் நேரத்தில், இவர் இப்படி செய்ததால் நெட்டிசன்களிடமிருந்து நேர் எதிர்மறை விமர்சனங்கள் குவிகிறதாம். இன்ஸ்டாகிராமில் புகைப்படத்தை பார்த்த 3,18,000 பேர் தங்கள் கருத்துக்களை பதிவிட்டுள்ளனர்.

https://www.instagram.com/sahartabar_official/

ஒருதலைக்காதல்! தாய், மகளுக்கு ஏற்பட்ட விபரீதம்!!

காதலிக்க மறுத்த பெண் தீவைத்து எரிக்கப்பட்ட சம்பவத்தில் பலத்த காயமடைந்த தாயும் உயிரிழந்த சம்பவம் சோகத்தை ஏற்படுத்தியுள்ளது.

இந்த துன்பியல் சம்பவம் சென்னை ஆதம்பாக்கத்தில் இடம்பெற்றது.

இச்சம்பவம் குறித்து தெரியவருவதாவது;

சரஸ்வதி நகரைச் சேர்ந்த ரேணுகா என்பவரின் மகளான இந்துஜாவை ஒருதலையாகக் ஆகாஷ் என்பவர் காதலித்து வந்தார்.

குறித்த நபர் சில நாட்களுக்கு முன் அவரது வீட்டுக்குச் சென்று வாக்குவாதத்தில் ஈடுபட்டுள்ளதாக தெரியவருகிறது.

அத்துடன் தான் காதலித்த பெண் என்று கூட பாராமல் இந்துஜா மீது பெற்றோலை ஊற்றிவிட்டு குறித்த இளைஞன் தப்பியோடிய சம்பவம் அனைவரிடத்திலும் ஆத்திரத்தை ஏற்படுத்தியது.

உடல் முழுவதும் எரிந்த நிலையில் குறித்த பெண் (இந்துஜா) அதே இடத்தில் உயிரிழந்தார்.

அவரைக் காப்பாற்றச் சென்ற தாய் ரேணுகா, சகோதரி நிவேதா ஆகிய இருவரும் கீழ்ப்பாக்கம் அரசு மருத்துவமனையில் தீக்காயங்களுடன் சிகிச்சை பெற்று வந்தனர்.

இந்நிலையில் சிகிச்சை பலனின்றி குறித்த பெண்ணின் தாயார் உயிரிழந்துள்ளார்.

மகளை கௌரவ கொலை செய்த தந்தை! திரும்பி வந்த மகள் என்ன செய்தார் தெரியுமா?

பாகிஸ்தானில் காதலுக்கு எதிர்ப்பு தெரிவித்து சொந்த மகளை கொலை செய்த தந்தைக்கு மகள் தக்க பாடம் புகட்டியுள்ளார்.

அப்பெண்ணின் பெயர் சபா... இவர் துப்பாக்கிச் சூடு வாங்கும் இவருக்கு வயது பதினெட்டு... நெஞ்சை உறையச் செய்திடும் இச்சம்பவம் டாக்குமெண்ட்ரியாக எடுக்கப்பட்டு ஆஸ்கர் விருது பெற்றது.

காய்சர் என்ற நபரை நான்கு ஆண்டுகளாக காதலித்து வந்துள்ளார் சபா. தனது அப்பா காதலுக்கு சம்மதம் தெரிவித்த மகிழ்ச்சியுடனும், கனவுகளுடனும் தனது காதலனுடன் அவ்வப்போது போனில் பேசிக் கொண்டிருந்தார்.

இவர்களின் காதலுக்கு வில்லனாக வந்தது இவரது மாமா.... காதலுக்கு எதிர்ப்பு தெரிவித்த மாமா கொஞ்சம் கொஞ்சமாக அப்பாவின் மனதை மாற்ற ஆரம்பித்தார். காதலிக்கும் அந்த நபர் ஏழ்மையைக் கருதி மனதை மாற்றியுள்ளார்.

பின்பு தனது சொந்தக்கார நபர் ஒருவரை திருமணம் செய்து வைக்கலாம் என்று சபாவின் அப்பாவிடம் மாமா கூறியுள்ளார். உடனே பதறிய சபா அங்கு நடக்கும் சூழ்நிலையினை தனது காதலருக்கும், அவரது குடும்பத்தினருக்கும் தெரிவித்தார். அவர்கள் அவரை இங்கு வந்து விடு நாங்கள் உங்களுக்கு திருமணம் செய்து வைக்கிறோம் என்று கூறியுள்ளனர்.

திட்டமிட்டபடி வீட்டைவிட்டுச் சென்ற சபா அன்றே நீதிமன்றத்தில் வைத்து திருமணம் செய்து கொண்டார். இவர்கள் திருமணம் செய்த அன்று இரவே இவர்களை பிரித்து சபாவினை பிரித்துவிட்டனர்.

பல்வேறு மிரட்டல்களை சந்தித்த சபா எதற்கும் துணிந்து நின்றார். இறுதியில் உறவினர்களின் கெஞ்சல்கள், குர்ஆன் மீது சத்தியம் எல்லாவற்றையும் அவதானித்த சபா இனி நம்மளை பிரிக்க மாட்டார்கள் என்று துணிந்து அவர்களுடன் சென்றார்ஃ

சில மணி நேரத்தில் வழியில் ஓரிடத்தில் காரினை நிறுத்தி உள்ளே உட்கார்ந்திருந்த சபாவை அவரது மாமா வெளியே இழுத்து கடுமையாக தாக்கியுள்ளார். தனனை விட்டுவிடும் படி கெஞ்சிக் கொண்டிருந்த சபாவின் குரலை அவர்கள் பொருட்படுத்தவில்லை.

ஒருவர் அவரது கையினை பிடிக்க அவரது மாமா அவரது கழுத்தினையும், வேறொருவர் அவரது தலையில் துப்பாக்கியினை பிடித்தனர். துப்பாக்கி முனையிலிருந்து தப்பிக்க அசைந்து கொண்டிருந்த சபாவின் கன்னத்தில் குண்டு நுழைந்தது. தலையில் சுடுவதற்கு வைத்த குறி தப்பிவிட்டது.

சம்பவ இடத்தில் மயங்கிய அவர் இறந்துவிட்டார் என்று அவர்கள் உறவினர்கள் அவரை மூட்டையாக கட்டி ஆற்றோரத்தில் வீசிவிட்டனர். இரவில் அங்கிருந்து தப்பிய அவரை சிலர் மருத்துவமனையில் அனுமதித்தனர்.

அதன் பின்பு பொலிசாருக்கு தகவல் தெரிவிக்கப்பட்டு, மயக்கத்தில் இருந்த சபா கண்விழித்த போது விசாரணை நடத்தப்பட்டது. விபத்து என்று நினைத்துக் கொண்டிருந்த பொலிசாருக்கு பயங்கர அதிர்ச்சி காத்திருந்தது.

சபா கொடுத்த புகாரின் பெயரில் அவரது மாமா, அப்பாவும் கைது செய்யப்பட்டு சிறையில் அடைக்கப்பட்டனர். தீவிர சிகிச்சை முடிந்து சபா காதலருடன் வீட்டிற்கு அழைத்துச் செல்லப்பட்டார்.

குர்ரான் மீது அவர்கள் பொய் சத்தியம் செய்தார்கள். துன்புறுத்தவே மாட்டோம் என்று சொல்லிவிட்டு என்னை கொல்லத் துடித்தார்கள். அவர்களை ஒரு போதும் நான் மன்னிக்க மாட்டேன். என்ன நடந்தாலும் சரி, இடையில் யார் வந்தாலும் சரி. என் பெற்றோருக்கும், உறவினர்களுக்கும் மன்னிப்பே கிடையாது என்று உறுதியாக சொன்னார் சபா.

தந்தையை சிறையில் அவதானிக்க சென்றவர்கள் சபாவினை புகாரை திரும்ப பெறுமாறு கூறியுள்ளனர். எதற்கும் சம்மதிக்காமல் இருந்த சபாவின் மீது அவர்களுக்கு இருந்த கோபம் மட்டும் குறையவே இல்லை.

நீதிமன்றத்தில் வைத்து தந்தையும், மாமாவும் கெஞ்சியுள்ளனர். அதனை காதில் வாங்கிக் கொள்ள மறுத்த சபா தனது முடிவில் உறுதியாக இருந்துள்ளார். தனது காதலனுடன் சந்தோஷமாக வாழ்ந்துள்ளார்.

திடீரென சபா மாமியாரிடம் ஊர்க்காரர்கள் வந்து பேச, மறுக்க முடியாமல் குழம்பிய மனநிலையில், சரி சொல்லுங்கள் நான் என்ன செய்ய வேண்டும் என்று கேட்டார். கேஸை வாப்பஸ் வாங்கிடு என்பதனை ஒப்புக்கொண்டார். நீதிமன்றத்தில் தான் அப்பாவையும் மாமாவையும் மன்னிப்பதாக தெரிவிக்க இருவரும் விடுதலை செய்யப்பட்டனர். என் விதி என்ன சொல்கிறது என்று தெரியாது. மீண்டும் அவர்கள் கையாலயே கொல்லப்படலாம் யாருக்குத் தெரியும் என்கிறார் சபா. தற்போது ஒரு குழந்தையுடன் கணவர் வீட்டில் சந்தோஷமாக வாழ்ந்து வருகிறார்.